Wiycie łoto mie aż haltło, że ludzie nie wiedzom na Ślońsku co to som parowki. Przeca parowki po naszymu to wcale niy parówki do grzocio, yno kluski na parze. A parowki po ślońsku to oplerki, abo szlagwoszt. To tak skuli wyjaśniynio, ło czym jo dzisio kludza.

Ale chca sie wrocić do tych bucht abo parowek. Przede wszyskim, to je moj smak dzieciństwa. Pulchne parowki polote bronoconym masłym, cukrym, skrzurzicom, a do tego kompot z borowek. Już mi ślinka cieknie, jak yno ło tym pomyśla.

Oma robiyła tyż filowane borowkami buchty, kiere smakowały chyba jeszcze lepszy.

Tyn smak chodzi za mnom do dziś dnia.

A wspominom o tym, bo momy sezon w pełni na borowki, a ku tymu dobrze je pomaszkecić dobrych rzeczy.

No i pytani– czymu parowki, buchty, a nie kluski? Bo przeca kluska na Ślońsku, to kluska, kiero sie kulo. A buchta kojarzy sie z czymś wyrosnytym, pulchnym. Zaś parowka, skiż tego, że robiono na parze. Beztoż roztomili– godejcie tak jak trza, czyli żodne kluski, yno parowki. Pyrsk!

Buchty – kluski na parze

Bronocone masło – masło lekko palone

Filowane – nadziewane

Borowki – jagody

Audycja „Rączka gotuje” również w Radiu Vanessa FM od poniedziałku do soboty o 11.45 i 16.45